Rabelais



FRANÇOIS RABELAIS (1494-1553)
    alias
Alcofrybas Nasier

PANTAGRUEL

chapitre XV
...Et la cause pourqoy les lieues sont tant petites en France...



 Or, en cheminant, voyant Pantagruel que les lieues de France estoient petites par trop, au regard des aultres pays, en demanda la cause et raison à Panurge, lequel luy dist une histoire que mect Marotus du Lac, monachus, es Gestes des Roys de Canarre, disant que:"D'ancienneté, les pays n'estoyent distinctz par lieues, miliaires, stades, ny parasanges * , jusques à ce que le roy Pharamond les distingua, ce que feut faict en la maniere que s'ensuyt; car il print dedans Paris cent beaulx jeunes et gallans compaignons bien deliberez, et cent belles garses Picardes, et les feist bien traicter, et bien penser par huyt jours, puis les appella, et à un chascun bailla sa garse, avecques force argent pour les despens, leur faisant commendement qu'ils allassent en divers lieux par cy et par là, et, à tous les passaiges qu'ilz biscoteroyent * leurs garses, que ilz missent une pierre, et ce seroit une lieue. Ainsi les compaignons joyeusement partirent, et, pource qu'ilz estoyent frays et de sejour, ils fanfreluchoient à chasque bout de champ, et voylà pourquoy les lieues de France sont tant petites.
Mais quand ils eurent long chemin parfaict, et estoient jà las comme pauvres diables, et n'y avoit plus d'olif * en ly caleil * , ilz ne belinoyent si souvent, et se contentoyent bien (j'entends quand aux hommes) de quelque meschante et paillarde foys le jour. Et voylà qui faict les lieues de Bretaigne, de Lanes, d'Allemaigne, et aultre pays plus esloignez, si grandes.

Enfin une page scientifique et rationnelle qui nous explique simplement les origines de la mesure des distances. Que reste-t-il de cette méthode, après que le système métrique ait tué la poésie de nos anciennes mesures? C'est très simple tous les métrologues vous confirmeront que l'usage des "ETALONS * " est le fondement de toute chaîne métrologique.
Mais que sont devenues les "belles garses"?
La métrologie est-elle devenue misogyne en se rationalisant?
Quel vertige devant cet abime infini de reflexion.